Skip to content
downgalicia@downgalicia.org981581167
Facebook page opens in new windowInstagram page opens in new windowTwitter page opens in new windowYouTube page opens in new windowFlickr page opens in new window
Autonomía e inclusión para personas con síndrome de Down – Federación Down Galicia
Autonomía e inclusión para personas con Sindrome de Down
Autonomía e inclusión para personas con síndrome de Down - Federación Down Galicia
  • Galego
    • Español
    • English
Search:
  •  
  • Down Galicia
  • Entidades
  • Áreas
  • Síndrome de Down
  • Transparencia
  • Contacto
COLABORA
  •  
  • Down Galicia
  • Entidades
  • Áreas
  • Síndrome de Down
  • Transparencia
  • Contacto

Fin de semana de ocio e diversión no Encontro de persoas mozas e adultas de Down Galicia

Traballamos

Medramos

Aprendemos

Fin de semana de ocio e diversión no Encontro de persoas mozas e adultas de Down Galicia

30 Setembro, 2024

Fin de semana de ocio e diversión no Encontro de persoas mozas e adultas de Down Galicia

 

Un centenar de persoas con e sen discapacidade vencelladas a entidades Down de toda Galicia desfrutaron esta fin de semana de dous días de ocio e diversión no Encontro de persoas mozas e adultas 2024, organizado pola Federación Down Galicia.

Esta xornada, celebrada na cidade de Lugo, tivo como obxectivo principal proporcionar un lugar de encontro a mozos e mozas maiores de idade de toda a comunidade autónoma no que poder ampliar o seu círculo de relacións, crear novos lazos de amizade e poñer en común inquedanzas, preocupacións, soños e logros nun contexto de convivencia totalmente inclusivo.

 

Un programa cheo de ocio e diversión

Para a programación deste encontro, Down Galicia tivo en conta as opinións e suxestións das persoas participantes no mesmo, creando un programa acorde aos seus gustos e preferencias. Deste xeito, tras unha sondaxe previa, acordouse que a xornada tivese lugar na cidade de Lugo e que o ocio e o tempo de lecer fosen prioritarios.

Así, durante a mañá do sábado, as persoas participantes foron chegando á cidade amurallada para comezar a compartir tempo con mozos e mozas de outras cidades galegas, paseando e desfrutando ata a hora do xantar.

Trala comida nun coñecido restaurante da cidade, as persoas participantes dividíronse en grupos para realizar unha xincana polo casco histórico de Lugo, coa que coñecer mellor a historia da localidade e continuar relacionándose entre si.

Unha vez finalizadas as visitas, o grupo desfrutou de tempo libre ata a cea-baile, que se alongou ata ben entrada a madrugada. Unha vez finalizada, os e as máis festeiras decidiron continuar coa diversión nos locais da cidade, bailando e cantando ata que o corpo aguantou.

Na mañá do domingo, realizouse un roteiro pola muralla de Lugo, desde onde as persoas participantes puideron observar con máis perspectiva os puntos visitados o día anterior, así como contemplar varios murais artísticos representativos da cultura romana e castrexa.

Tras este paseo, o encontro rematou cun xantar onde as sensacións non podían ser máis positivas. Adxectivos como “espectacular” e “xenial” bulían entre as persoas participantes, que comentaban cos seus compañeiros e compañeiras que esperaban poder “repetir canto antes” porque foi “unha fin de semana moi divertida”.

 

A importancia da inclusión social

A inclusión na sociedade é un dereito fundamental para calquera persoa. Participar dos recursos e das actividades que ofrece a comunidade é un dos piares clave para a consecución da inclusión das persoas coa síndrome de Down ou outra discapacidade intelectual. O desenvolvemento da autonomía persoal e social é importante para calquera ser humano e constitúe un dos puntos fortes para o seu proceso de desenvolvemento e para a súa maduración.

Dende o Movemento Down en Galicia entendemos que as persoas coa síndrome de Down e outras discapacidades intelectuais poden vivir dun xeito autónomo e independente, desfrutando dos recursos e actividades que ofrece a comunidade para unha inclusión sen barreiras e en igualdade de condicións que o resto da poboación.

A realización do Encontro de persoas mozas e adultas 2024 é posible grazas á achega da Consellería de Política Social da Xunta de Galicia a través das subvencións destinadas á realización de programas de interese xeral para fins de carácter social con cargo á asignación tributaria do 0,7% do Imposto sobre a Renda das Persoas Físicas (IRPF).

Entradas relacionadas

Down Compostela explora a creatividade e a participación activa compoñendo unha canción a través de intelixencia artificial
12 Xuño, 2025
A Federación Down Galicia esixe unha rectificación do bispo emérito Juan Antonio Reig Pla por asociar discapacidade e pecado
21 Maio, 2025
Down Galicia e Política Social asinan un convenio para o mantemento da Federación e os seus programas de autonomía persoal
21 Abril, 2025
Down Galicia actualiza a súa “Guía de orientación académica e profesional”
3 Abril, 2025
Marca o X Solidario na túa declaración da renda: non agardes a que o bo chegue, #FaiQuePase
2 Abril, 2025
Fundación Iberdrola España visita a sede de Down Galicia para coñecer máis a fondo o proxecto de Emprego con Apoio
1 Abril, 2025
Máis novas
Identidade Corporativa

ODS Down Galicia

Mapa Web
  • Down Galicia
  • Entidades
  • Áreas
  • Sindrome de Down
  • Transparencia
  • Novas
  • Vídeos
  • Publicacións
Test
  • Revista Down Galicia
  • Orientación laboral
  • Punto virtual de Educación
  • Envellecemento activo
  • Colaboradores
  • Identidade Corporativa
  • Colabora
  • Contacto



“ER” IQNet
2021 Down Galicia © Made with by Doblespacio :) Built with Accessibility in mind, with WCAG 2.0 AA compliant

Aviso Legal
Política de Privacidade
Política de cookies

Go to Top
Manage Cookie Consent
POLÍTICA DE COOKIES

Down Galicia utiliza cookies propias e de terceiros para mellorar a experiencia de navegación e ofrecer contidos e publicidade de interese. Para administrar ou deshabilitar estas cookies fai click en Configurar.

Pulsa o botón Aceptar Cookies para confirmar que aceptas a información presentada. Despois de aceptar, non volveremos a amosarche esta mensaxe, excepto no caso de que borres as cookies do teu dispositivo.

Podes obter máis información na nosa: Política de cookies   Política de Privacidade
Funcional Always active
O almacenamento técnico ou o acceso, é estritamente necesario coa finalidade lexítima de posibilitar a utilización dun servizo concreto solicitado expresamente pola/o usuaria/o, ou coa única finalidade de realizar a transmisión dunha comunicación a través dunha rede de comunicacións electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estaticas
O almacenamento técnico ou o acceso que se utiliza exclusivamente para fins estatísticos. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
O almacenamento técnico ou o acceso, é necesario para crear perfís de usuaria/o para enviar publicidade ou para rastrexar a/o usuaria/o nun sitio web ou en varios sitios web con fins de mercadotecnia similares.
Manage options Manage services Manage {vendor_count} vendors Read more about these purposes
Configurar
{title} {title} {title}