Skip to content
downgalicia@downgalicia.org981581167
Facebook page opens in new windowInstagram page opens in new windowTwitter page opens in new windowYouTube page opens in new windowFlickr page opens in new window
Autonomía e inclusión para personas con síndrome de Down – Federación Down Galicia
Autonomía e inclusión para personas con Sindrome de Down
Autonomía e inclusión para personas con síndrome de Down - Federación Down Galicia
  • Galego
    • Español
    • English
Search:
  •  
  • Down Galicia
  • Entidades
  • Áreas
  • Síndrome de Down
  • Transparencia
  • Contacto
COLABORA
  •  
  • Down Galicia
  • Entidades
  • Áreas
  • Síndrome de Down
  • Transparencia
  • Contacto

“Un cromosoma extra non pode ser a escusa para privarnos dos nosos dereitos”

Traballamos

Medramos

Aprendemos

“Un cromosoma extra non pode ser a escusa para privarnos dos nosos dereitos”

24 Marzo, 2025

“Un cromosoma extra non pode ser a escusa para privarnos dos nosos dereitos”

 

O Paraninfo da Reitoría da Universidade da Coruña foi o escenario escollido pola Federación Down Galicia e pola asociación Down Coruña para conmemorar un novo Día Mundial da Síndrome de Down. Nun acto que mesturou unha parte institucional con distintas mesas redondas, as persoas coa síndrome de Down foron as verdadeiras protagonistas, poñendo de manifesto, entre outras moitas cousas, que merecen as mesmas oportunidades que as demais, e reclamando, un ano máis, os seus dereitos.

Foron catro as persoas encargadas de dar lectura ao Manifesto pola Promoción da Autonomía Persoal, dando así voz a todo o colectivo e facendo fincapé en que as persoas coa síndrome de Down, coma calquera outra, queren vivir a vida que elas mesmas elixan.

“Un cromosoma extra non pode ser a escusa para privarnos dos nosos dereitos. Temos dereito a ser persoas autónomas e independentes. A estudar, a traballar, a querer, a divertirnos e a relacionarnos.  E, por suposto, temos dereito a tomar as nosas propias decisións e a formar parte da sociedade”, demandaron.

No acto tamén interviñeron a alcaldesa da Coruña, Inés Rey García; a subdelegada do Goberno en A Coruña, María Rivas López; a directora xeral de persoas con discapacidade, Begoña Abeijón Fernández; a deputada responsable das áreas de Política Social, Educación e Mocidade da Deputación da Coruña, Mª del Mar García Vidal; a presidenta de Down Coruña, María Díaz Caamaño; e o presidente de Down Galicia, Delmiro Prieto González.

O inicio correu a cargo da presidenta de Down Coruña, que aproveitou a súa quenda de palabra para agradecer a asistencia de tódalas persoas alí presentes. María Díaz deu a benvida ao evento resaltando o percorrido da entidade que preside durante os seus 25 anos de existencia e continuou a súa intervención destacando que nestes anos, as persoas coa síndrome de Down “demostraron que, cos apoios adecuados, poden alcanzar metas que fai uns anos parecían inalcanzables: obter un título académico, acceder a un emprego digno, vivir de maneira independente”. Pero Díaz tamén indicou que “queda moito por facer e que o camiño cara a inclusión real e efectiva segue estando cheo de barreiras que, entre todos e todas, debemos derrubar”.

O presidente de Down Galicia, pola súa parte, quixo comezar a súa intervención felicitando a Down Coruña polo seu 25 aniversario e poñendo en valor “o gran traballo e o camiño percorrido nestas dúas décadas e media”. Delmiro Prieto ontinuou o seu discurso poñendo de manifesto o moito que a sociedade avanzou nestes 25 últimos anos, destacando que “as persoas coa síndrome pasaron do ostracismo nos fogares á visibilidade”. O presidente da Federación quixo facer fincapé na campaña lanzada este ano pola Federación Down España, na que se exemplifica perfectamente “que as persoas coa síndrome de Down poden ter as mesmas experiencias vitais que calquera outra persoa”. Prieto concluíu incidindo en que “o máis importante é ofrecerlle oportunidades para que poidan levar a vida que elas mesmas escollan”.

Ademais das intervencións das autoridades presentes, as persoas asistentes a este acto puideron desfrutar de varios relatorios protagonizados por profesionais e familias pertencentes a Down Coruña, que destacaron o traballo da entidade e puxeron de manifesto a importancia da inclusión a través de diferentes experiencias de vida en ámbitos como a educación, a formación e o emprego ou a vida independente e o envellecemento, entre outros.

 

Premios Down Galicia

A Federación Down Galicia entregou nesta ocasión os X Premios Down Galicia, que teñen por obxecto recoñecer o labor a prol da promoción da autonomía e igualdade das persoas coa síndrome de Down, realizado tanto por institucións e entidades como por persoas particulares.

O premio na categoría institucional foille outorgado ao Concello da Coruña, polo apoio prestado a Down Coruña ao longo dos anos, tanto de xeito económico como a través da concesión demanial gratuíta do local no que a entidade presta os seus servizos e do local da Praza de Ourense onde desenvolve a súa actividade “O quiosco de Down Experience”. Mentres, na categoría de persoa particular, o galardón recaeu en José Antonio Portabales, responsable de recursos humanos de Alcampo Coruña, pola súa implicación persoal co programa de Emprego con Apoio de Down Coruña, sendo a empresa na que traballa das primeiras en apostar de xeito claro na inclusión laboral das persoas coa síndrome de Down ao contratar a persoas usuarias da entidade Down.

O premio consiste nun recoñecemento simbólico e na entrega dunha figura representativa da imaxe Down realizada polo artesán galego Fernando Porto.

Pola súa banda, Down Coruña entregou tamén dúas mencións especiais de recoñecemento á Deputación da Coruña e a Joaquín González Iglesias, CEO de Sociedad de Inversiones Higoma S.L. e ex-director xeral de Vegalsa-Eroski, polo seu compromiso e apoio incondicional na loita pola autonomía persoal, a accesibilidade universal e a vida independente.

Entradas relacionadas

A Federación Down Galicia esixe unha rectificación do bispo emérito Juan Antonio Reig Pla por asociar discapacidade e pecado
21 Maio, 2025
Down Galicia e Política Social asinan un convenio para o mantemento da Federación e os seus programas de autonomía persoal
21 Abril, 2025
Down Galicia actualiza a súa “Guía de orientación académica e profesional”
3 Abril, 2025
Marca o X Solidario na túa declaración da renda: non agardes a que o bo chegue, #FaiQuePase
2 Abril, 2025
Fundación Iberdrola España visita a sede de Down Galicia para coñecer máis a fondo o proxecto de Emprego con Apoio
1 Abril, 2025
Administracións, medios de comunicación e o ámbito educativo colaboran na difusión do Día Mundial da Síndrome de Down
27 Marzo, 2025
Máis novas
Identidade Corporativa

ODS Down Galicia

Mapa Web
  • Down Galicia
  • Entidades
  • Áreas
  • Sindrome de Down
  • Transparencia
  • Novas
  • Vídeos
  • Publicacións
Test
  • Revista Down Galicia
  • Orientación laboral
  • Punto virtual de Educación
  • Envellecemento activo
  • Colaboradores
  • Identidade Corporativa
  • Colabora
  • Contacto



“ER” IQNet
2021 Down Galicia © Made with by Doblespacio :) Built with Accessibility in mind, with WCAG 2.0 AA compliant

Aviso Legal
Política de Privacidade
Política de cookies

Go to Top
Manage Cookie Consent
POLÍTICA DE COOKIES

Down Galicia utiliza cookies propias e de terceiros para mellorar a experiencia de navegación e ofrecer contidos e publicidade de interese. Para administrar ou deshabilitar estas cookies fai click en Configurar.

Pulsa o botón Aceptar Cookies para confirmar que aceptas a información presentada. Despois de aceptar, non volveremos a amosarche esta mensaxe, excepto no caso de que borres as cookies do teu dispositivo.

Podes obter máis información na nosa: Política de cookies   Política de Privacidade
Funcional Always active
O almacenamento técnico ou o acceso, é estritamente necesario coa finalidade lexítima de posibilitar a utilización dun servizo concreto solicitado expresamente pola/o usuaria/o, ou coa única finalidade de realizar a transmisión dunha comunicación a través dunha rede de comunicacións electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estaticas
O almacenamento técnico ou o acceso que se utiliza exclusivamente para fins estatísticos. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
O almacenamento técnico ou o acceso, é necesario para crear perfís de usuaria/o para enviar publicidade ou para rastrexar a/o usuaria/o nun sitio web ou en varios sitios web con fins de mercadotecnia similares.
Manage options Manage services Manage {vendor_count} vendors Read more about these purposes
Configurar
{title} {title} {title}